Maqedonia e Veriut mbetet në vendin e 95-të sipas indeksit të fundit për lirinë e mediave të “Reporterët pa kufij”, ashtu si vitin e kaluar kur u zhvendos për 14 vende.
Vërejtja kryesore e “Reporterëve pa kufij” është gjendja e RTVM-së, ku Qeveria ende nuk ka zbatuar reforma. “Edhepse situata u stabilizua në vitin 2018, qeverisja e re ende nuk ka ndryshuar Ligjin për radiodifuzerin publik, në kundërshtim me atë që paralajmëronte në vitin 2017”, thonë nga kjo organizatë, njofton Telegrafi Maqedoni.
Në raportin e fundit shtohet se “deri tani, programi publik ende vazhdon t’i shërbejnë interesave të partisë konservatore që dikur ishte në pushtet, OBRM-PDUKM”.
Edhepse nuk janë regjistruar sulme ndaj gazetarëve gjatë vitit të kaluar në Maqedoni edhe siguria e gazetarëve shënon përparim. “Reporterët pa kufij” paralajmërojnë se kultra e mos ndëshkimit vazhdon në vend dhe se vetëm 2 nga 59 raste të regjistruara në vitet e fundit kanë qenë lëndë dhe kanë marrë vendim gjyqësor./Telegrafi/
