Kanë mbetur edhe pak ditë deri në koncertin madhështor të Noizyt, “Alpha Show III”.
Reperi nga Shqipëria tashmë ka bërë të ditur disa emra të famshëm që do të performojnë në këtë event.
Veç artistëve shqiptarë, ai do të sjellë edhe yje me famë botërore, të cilët mesiguri që nuk po i prisnit.
Në koncertin e Noizyt njoftohet se po vjen reperja britanike, Stephanie Victoria Allen, e njohur për publikun si Stefflon Don.
Ajo e ka konfirmuar pjesëmarrjen me anë të një video të shpërndarë në rrjete sociale, gjegjësisht në Instagram të Alpha Show.
Stefflon po ashtu u bën thirrje të gjithëve që të marrin pjesë duke premtuar një natë të zjarrtë.
Të tjerët që do të interpretojnë janë: Elgit Doda, Lyrical Son, MC Kresha, Stresi, Shadoë, Rayvanny, Tayna, Era Istrefi, Varrosi, Elai, Duda, Dafina Zeqiri etj. /Telegrafi/