Ka kohë që një nga reperët më të vjetër të skenës vendore, Mad Lion, nuk është aktiv me projekte muzikore.
Mesa duket, ai ka marrë një orientim tjetër në karrierë, përkatësisht në politikë.
Mad Lion, emri i vërtetë i së cilit është Luan Zeqiri i është bashkuar Lëvizjes Vetëvendosje.
Mirëseardhjen i ka uruar edhe i pari i këtij subjekti politik, Albin Kurti.
Lajmi është bërë i ditur nga faqja zyrtare e Lëvizjes Vetëvendosje në Qendrën e Prishtinës.
“Lëvizjes sot i’u bashkua edhe një anëtar i ri, Luan Zeqiri, i njohur me emrin artistik “Mad Lion”. Mirëseardhje i uruan Kryetari i Lëvizjes VETËVENDOSJE!, Albin Kurti, dhe anëtari i Kryesisë së Qendrës së Prishtinës, Egzon Azemi.
Luani ka lindur në Prishtinë, kurse në vitin 1998 ka migruar në Zvicër, dhe u kthye në vendlindje pas përfundimit të luftës. Që nga viti 2001 ka qenë pjesë e skenës muzikore. Si shumë të rinjë të tjerë pasluftës, konkretisht në vitin 2011, Luani migroi përseri në Zürich të Zvicrës, ku aktualisht jeton dhe vepron. Sot edhe zyrtarisht ka vendosur t’i bashkohet Lëvizjes VETËVENDOSJE!.
Luanit i urojmë aktivitet dhe punë të mbarë në Lëvizjen tonë”, shkruhet në njoftimin e tyre. /Telegrafi/
