Këngëtarja Era Istrefi, po vazhdon të shijojë suksesin e bashkëpunimit të saj më të fundit me Norën, të titulluar “Nuk e di”.
Kënga është pëlqyer shumë nga fansat, teksa vëmendje të madhe ka marrë edhe paraqitja e tyre atraktive në klip, i cili u komentua edhe për shifrën e madhe të parave që u harxhuan për realizimin e tij.
Dy motrat janë duke promovuar projektin e tyre më të ri muzikor përmes rrjeteve sociale, duke publikuar fotografi nga xhirimet apo pjesë nga kënga.
Një gjë të tillë e ka bërë së fundmi Era, e cila ka publikuar një video nga paraqitja e saj atraktive në klipin “Nuk e di”.
Ka qenë pikërisht ky postim, përmes së cilit ajo ka rrëmbyer një koment nga reperi i famshëm italian, Gue Pequeno, i cili ka komplimentuar këtë paraqitje të saj.
Përmes disa emoji në formë zjarri, Pequeno, ka lënë të kuptohet se i ka pëlqyer tej mase paraqitja e zjarrtë e këngëtares shqiptare në klipin “Nuk e di”. /Telegrafi/