Andy Ruiz është bërë sensacion i boksit botëror pasi ditë më parë fitoi katër tituj e unifikuar të peshave të rënda, kur në Madison Square Garden të New Yorkut mposhti Anthony Joshuan.
Meksikani ka arritur të mposht britanikun dhe të fitojë titujt në kategoritë WBA, WBO, IBF dhe IBO.
Kjo ka bërë që në renditjen e përditësuar, 29-vjeçari të bëjë një kërcim të madh prej 13 vendeve dhe tashmë zë pozitën e parë me 752.7 pikë.
Në vendin e dytë gjendet kampioni i kategorisë WBC, Deontay Wilder, i cili aktualisht ka fituar 621.7 pikë.
Gjersa lideri i deri djeshëm, Anthony Joshua ka humbur dy pozicione dhe ka rënë në vendin e tretë me 602.2 pikë.
Theksojmë se promotori, Eddie Hearn ka konfirmuar se AJ e aktivizuar klauzolën për rimeçin kundër kampionit të unifikuar të peshave të rënda, Andy Ruiz Jr.
Ndryshe, për shkak të ngjitjes së madhe të Ruizit, të gjitha 10 boksierët e tjerë kanë lëvizur për një pozitë më poshtë. /Telegrafi/
