Portieri i Napolit, Pepe Reina, pritet t’iu nënshtrohet ekzaminimeve mjekësore te Milani.
Sipas Sky Sport Italia, 35-vjeçari do t’i bëjë testet e para dhe pastaj do të nënshkruajë me Rossonerët.
Spanjolli është i lirë që të nënshkruajë me klube të tjera, duke qenë se është në gjashtë muajt e fundit të kontratës së tij me Napolin.
Akoma nuk dihet nëse Reina do ta zë vendin e Gianluigi Donnarummas si portieri kryesor, apo do të jetë portieri i dytë.
Ka kohë që spekulohet se gardiani italian mund të largohet nga San Siro për ta vazhduar karrierën te ndonjëri prej klubeve të pasura që i kërkojnë shërbimet e tij.
Reina është pjesë e Napolit që nga viti 2015, kur u transferua nga Bayern Munichu.
Në të kaluarën, ai ka veshur fanellat e klubeve tjera të mëdha, si Barcelona dhe Liverpool. /Telegrafi/