Torino vazhdon të kërkojë 100 milionë euro për Andrea Belottin, ndërsa Paris Saint-Germaini është klubi i fundit që është refuzuar për shërbimet e tij.
Futbollisti italian ka një klauzolë prej 100 milionë eurosh në kontratën e tij që është valide vetëm për klubet jashtë Italisë dhe Granata nuk e ka në plan që të tërhiqet nga kjo shifër.
Sipas La Stampa, PSG ka ofruar 60 milionë euro, mirëpo Torino e ka refuzuar menjëherë dhe ka kërkuar të paguhet klauzola.
Besohet se dy klubet do të vazhdojnë bisedimet për çmimin e Belottit në javët në vijim.
Ndërkohë, Torino kërkon ta transferojë Salvatore Sirigun nga PSG. /Telegrafi/