Tridhjetë refugjat në Idomeni janë lënduar fizikisht nga policia maqedonase për tentativë kalimi në mënyrë të paligjshme në Maqedoni, transmetojnë mediumet greke sipas informacioneve nga vullnetarët e organizatës “Mjekët pa Kufij”, transmeton Telegrafi Maqedoni.
Një përfaqësues i organizatës, tha se 33 njerëz nga vende të ndryshme, të moshës 17 deri 29 vjet, të shtunën u përpoqën të hyjnë ilegalisht në Maqedoni. Siç thonë ata, ata u sulmuan dhe u rrahën nga policia maqedonase. Refugjatët thonë se gjatë sulmeve u janë marrë të gjitha paratë dhe gjërat me vlerë që kishin me vete.
Nga Ministria e Brendshme thanë se për momentin nuk kanë informacione në lidhje me një incident të tillë. Ata thonë se ende herë pas here shfaqen spekulimet e këtij lloji që plasohen nga organizatat humanitare, ku MPB i ka mohuar.
‘Nëse ka dëshmi për një rast të tillë, ata duhet t’i lënë për t’i verifikuar dhe për të marrë masat e duhura’ siç thuhet nga MPB-ja. /Telegrafi/