Ministrja e Drejtësisë, Albulena Haxhiu është deklaruar sot për referendumin e Serbisë, ndërsa tha se organizimi në Kosovë është shkelje e sovranitetit dhe integritetit territorial të saj.
Haxhiu në një postim në Twitter shkruan se qytetarët serbë me shtetësi të dyfishtë, si në çdo vend tjetër, mund të votojnë përmes postës ose në zyrën ndërlidhëse
“Republika e Kosovës është shtet i pavarur dhe sovran. Organizimi i referendumit të Serbisë në Kosovë është shkelje e sovranitetit dhe integritetit territorial të saj. Qytetarët serbë me shtetësi të dyfishtë, si në çdo vend tjetër, mund të votojnë përmes postës ose në zyrën ndërlidhëse”, shkruan Haxhiu.
Ndryshe, sot në orën 14:00, Kuvendi i Kosovës mban seancë të jashtëzakonshme lidhur me këtë çështje.
Pasditen e së premtes, ambasadorët e shteteve të QUINT-it dhe përfaqësuesi i Bashkimit Evropian në Kosovë patën një takim me krerët e shtetit të Kosovës në lidhje me kërkesën e Serbisë që të mbajë referendumin për ndryshim të kushtetutës në territorin e Kosovës.
Njëzëri krerët e shtetit i kanë thënë jo kësaj kërkese, duke dhënë dy mundësi tjera që qytetarët serbë të Kosovës të mund të shfrytëzojnë të drejtën e tyre për të votuar në këtë referendum. /Telegrafi/
The Republic of Kosovo 🇽🇰 is an independent and sovereign state. Organizing Serbia’s referendum in Kosovo is a violation of its sovereignty and territorial integrity. Serbian citizens with dual citizenship, as in any other country, can vote through post or at the liaison office.
— Albulena Haxhiu (@albulenahaxhiu_) January 15, 2022