Jo gjithmonë janë të rinjtë ata që befasojnë me fillimet e tyre për së mbari në karrierën që ka zgjedhur.
“Më mirë vonë se kurrë” , kësaj shprehje më së miri i ka dhënë dritë Eshrefe Sylejmani nga Gjilani, e cila e fillon karrierën e saj si stiliste në moshën 47 vjeçare, shkruan Telegrafi.
Ajo ka përfunduar me sukses studimet për dizajn dhe ka fituar titullin “Master” në “Dizajn Mode”, duke e çuar në këtë mënyrë përpara ëndrrën e saj.
“Start” mban titullin koleksioni i saj i parë, i prezantuar me plot 20 kreacione, të cilat gjenden në atelinë e saj të re “ES Couture”.
Prezantimin e këtyre veshjeve e ka bërë modelja e njohur Dhurata Lipovica, e cila shquhet për elegancën dhe shkëlqimin që u jep veshjeve, të cilat rrinë bukur në trupin e saj.
Fotografitë janë realizuar nga Arton Humolli, ndërsa e veçanta e tyre është se janë realizuar pas orës 2:00 dhe kanë vazhduar deri në 8:00 të mëngjesit.
Stilistja Sylejamni duket të jetë një frymëzim i mirë për njerëzit të cilët mendojnë se janë ‘vonuar’, në realizimin e ëndrrave të tyre, e që në fakt nuk është kurrë vonë për një fillim të ri…
Më poshtë ju prezantojmë me disa nga veshjet e koleksionit “Start” të Eshrefe Sylejamnit. /Telegrafi/
