“Realiteti” i hidhur i shkollave amerikane, mësuesja tregon vendet e “përkryera” për t’u fshehur në rast të ndonjë sulmi të armatosur

Një mësuese nga Teksasi është bërë sensacion me një video të postuar së fundmi në TikTok, ku këshillon tjerët se ku duhet fshehur për të shmangur sulmuesit e armatosur që po futen së fundmi shpesh nëpër shkollat amerikane.

Rasti më i fundit ishte ai në një shkollë fillore në Uvalde, ku humbën jetën 19 nxënës dhe dy mësuese, transmeton Telegrafi.

Deri më tani videoja e saj ka marrë mbi 14 milionë shikime, ku ajo tregon në detaje planin e “fshehjes” në rast se ndonjë person i armatosur futet brenda shkollës.

Bëhet fjalë për Taylor Mora – mësuese e gjuhës angleze në San Antonio të Teksasit, e cila i shpreh ngushëllime familjarëve të viktimave të sulmit vdekjeprurës në Uvalde.

Ajo shihet sesi futet në dollap dhe mbyll derën sikur të mos ishte askush brenda – duke e mashtruar potencialisht sulmuesin. /Telegrafi/