Real Madridi i ka shënuar plot gjashtë gola në ndeshjen e parafundit sezonale në La Liga kundër Celta Vigos që u zhvillua në Santiago Bernabeu.
Rezultati u zhbllokua në minutën 13-të të takimit kur Gareth Bale pranoi një top nga Luka Modric dhe realizoi.
I njëjti futbollist e dyfishoi rezultatin pas gjysmë ore lojë, ndërsa kësaj radhe u asistua nga mesfushori tjetër, Isco.
Në pjesën e parë u shënua edh goli i tretë i Los Blancos, ndërsa realizues ishte Isco (32′), i cili u asitua nga Toni Kroos.
Në gjysmën e dytë i erdhi radha të shënonte edhe Achraf Hakimi (52′) që u asistua nga Karim Benzema, ndërsa me autogolin e Sergi Gomez (74′) u realizua goli i pestë i Mbretërve.
Golin e gjashtë dhe të fundit në këtë sfidë e realizoi mesfushori Toni Kroos në minutën e 81-të të takimit.
Real Madridi e ka siguruar pjesëmarrjen në Ligën e Kampionëve për sezonin e ardhshëm, pasi ndodhet pesë pikë para vendit të katërt (Valencia) kur ka mbetur edhe një ndeshje për t’u zhvilluar.
Në xhiron e fundit të zgjedhurit e Zinedine Zidane luajnë kundër Villarrealit, ndërsa Celta Vigo që e ka siguruar mbijetesën, është nikoqir i Levantes. /Telegrafi/