Real Madridi ka bërë goditjen e parë për edicionin 2022/23, duke siguruar shërbimet e një mesfushori.
Pas bisedimeve të gjata disa mujore, Los Blancos kanë siguruar shërbimet e mesfushorit të talentuar Aurelien Tchouameni.
Mesfushori francez prej kohësh kishte arritur marrëveshje personale me Los Blancos dhe priste vetëm që dy klubet ta bëjnë një gjë të tillë.
Mediat në Francë dhe Spanjë kanë raportuar se tanimë ka një marrëveshje mes dy klubeve për transferimin e francezit në Santiago Bernabeu.
Real Madridi do t’i paguajë 50 milionë euro Monacos për yllin francez si dhe 15 milionë euro të tjera në formë bonusesh.
Pra transferimi i Tchouamenit do t’i kushtojë Real Madridit në total 65 milionë euro.
22-vjeçari ka shkëlqyer viteve të fundit me Monacon, derisa edicionin e sivjetmë ka zhvilluar 41 ndeshje ku ka shënuar tre gola e ka asistuar në dy të tjerë. /Telegrafi/