Real Madridi e ka falënderuar Cristiano Ronaldon për nëntë vitet e kaluara në klub.
Kjo pasi lojtari të martën kaloi te Juventusi. Kapiteni i kombëtares portugeze e mbyllur transferimin për 112 milionë euro nga Real Madridi te Juventusi.
Presidenti i Real Madridit, Florentino Perez, arriti marrëveshje me lojtarin për ta lejuar të kalojë në Itali ku do të fitojë 30 milionë euro në vit, ndërsa ka nënshkruar për katër vite.
“Ishte koha që ta hap një kapitull të ri në jetë dhe për këtë kërkova transferimin. Iu lutem tifozëve të më kuptojnë, pasi kanë qenë të mrekullueshëm këto nëntë vite”.
“Reali është në zemrën time dhe për këtë dua t’i falënderoj të gjithë”, kishte thënë Ronaldo.
Si zakonisht klubi mbretëror nuk organizon ceremoni lamtumirëse, ndërsa për CR7 ata kanë një video me momente më të bukura te Reali.
Nga momenti kur zbrite te Reali e deri në fund, duke shpalosur shumë kujtime nën titullin: “Faleminderit, Cristiano Ronaldo”.
Më poshtë mund ta ndiqni videon që çdo fans të Real Madridit do ta prekte emocionalisht, pasi portugezi ka dhënë shumë për klubin tyre të zemrës. /Telegrafi/
