Real Madridi është i gatshëm të tentojë transferimin e sulmuesit anësor të Manchester Cityt, Raheem Sterling.
Mbretërit janë duke menduar përforcimin e skuadrës për sezonin e ri dhe tashmë kanë etiketuar yllin e Cityt, Sterling, si njërin nga objektivat kryesore.
Sipas mediumit britanik The Telegraph, Reali është duke e vëzhguar situatën e lojtarit me qëllim që të lëviz për anglezin këtë verë.
Sterling ka një marrëveshje deri në vitin 2023 dhe pret të hapë bisedime të reja mbi kontratën me Cityn në muajt e ardhshëm.
Dhe nëse gjërat nuk përparojnë pozitivisht, Reali do të tentojë shansin e tyre dhe të provojë transferimin e reprezentuesit anglez.
Sterling është një nga të preferuarit e presidentit të Realit, Florentino Perez, i cili ka qenë i vetëdijshëm për talentin e tij që kur ishte i ri duke lëvizur nga QPR në Liverpool. /Telegrafi/