Real Madridi ka fituar pas vazhdimeve me rezultat 3-1 ndaj Man Cityt, duke kaluar në finale me rezultat të përgjithshëm 6-5.
Rezultati i ndeshjes së parë 4-3 në të mirë të anglezëve, bënte që skuadrat të ishin kërkuese përpara dhe të kujdesshme në mbrojtje.
Në minutën e 20-të rastin e parë të mirë e kishte Man City, ku Bernardo Silva gjuajti bukur, ndërsa Thibaut Courtois bëri një pritje të shkëlqyer.
Real Madridi rrezikoi me një goditje të bukur nga Toni Kross, por që shkoi jashtë. Pas tij edhe Karim Benzema doli i vetëm me Ederson, por gjuajti mbi portë.
⏸️ DC: @realmadrid 0-0 @ManCityES#UCL pic.twitter.com/LoJ0i7CyjU
— Real Madrid C.F. (@realmadrid) May 4, 2022
Në pjesën e dytë, mbretërit e nisën furishëm, duke rrezikuar që në start.
Vincius Junior u fut në zonë, gjuajti por nuk arriti të qëllojë cakun.
Goli erdhi në mesin e pjesës së dytë, kur zhvillohej minuta e 73-të. Bernardo Silva pasoi bukur te Riyad Mahrez i cili me një goditje të fuqishme brenda zonës shënoi për 1-0.
https://twitter.com/MessiMX30ii/status/1521950759289597955
Edhe pas golit Man City kishte raste të shumta, kur spikati goditja e Joa Cancelos nga distanca e cila u ndal me mund nga Courtois.
Jack Grealisht kishte dy raste brenda dy minutash, por fati nuk ishte me të në të dyja rastet.
Në minutën e 90-të nja aksion i bukur i Real Madridit u kthye në gol, kur Benzema asistoi te Rodrygo që shënoi për 1-1.
https://twitter.com/Goal2u1/status/1521960593409945601
I njëjti lojtar vetëm pas dy minutash gjeti sërish golin për 2-1, duke ndezur edhe më shumë ndeshjen.
https://twitter.com/peche_africa_/status/1521955922616147968
Këto dy gola mjaftuan që kjo ndeshje të shkojë në vazhdime.
Në minutën e pestë të vazhdimeve Karim Benzema fitoi penallti, ndërsa vet ishte ai që shënoi nga pika e bardhë për 3-1.
https://twitter.com/Zakstudios6/status/1521959624513097728
Deri në fund kishte raste, por rezultati nuk ndryshoi duke bërë që Real Madridi të shkojë në finale, ku do të takohet me Liverpoolin. /Telegrafi/