Ferland Mendy mund të largohet nga Real Madridi pas tri viteve qëndrim në Santiago Bernabeu.
Los Blancos kanë arritur të sigurojnë shërbimet e qendërmbrojtësit gjerman Antonio Rudiger i cili është projektuar si titullar.
E nga edicioni i ardhshëm, trajneri Carlo Ancelotti po planifikon që në krahun e majtë të mbrojtjes ta zhvendos austriakun David Alaba.
Duke parë këtë rotacion që pritet të ndodhë e përditshmja spanjolle AS ka raportuar se Mendy është nxjerr në shitje nga Real Madrid.
26-vjeçari ka qenë një titullar i padiskutueshëm te Reali, ku në 35 ndeshje në të gjitha garat ka shënuar dy gola e ka asistuar në pesë të tjerë.
Los Blancos janë gati për t’i dëgjuar ofertat e klubeve të interesuara për francezin dhe synojnë që nga shitja e tij të fitojnë 40 milionë euro.
Juventus dhe Paris Saint Germain janë dy skuadrat që kanë shprehur interesim për transferimin e francezit i cili fiton pesë milionë euro në sezon te Real Madridi. /Telegrafi/