Ylli i Newcastle Unitedit, Miguel Almiron ka përfunduar në radarin e gjigantit evropian, Real Madridit.
Mbretërit janë në vlugun e përforcimeve për sezonin e ardhshëm, pas dështimit në sezonin e fundit.
Pas zyrtarizimit të Eden Hazardit, Luka Jovicit, Ferland Mendyt dhe Rodrygos, Reali nuk e ka në mend të ndalet.
Sipas mediumit të njohur TyC Sport, Real Madrid thuhet se shikon me vëmendje yllin e Newcastle dhe Paraguait, Almiron.
Almiron ka qenë një goditje e madhe tek skuadra nga e St James Park që nga ardhja e tij prej 21 milionë funtesh nga Atlanta United në afatin e janarit.
Gazetari i TyC Sport, Markos Gonzalez pohon se Los Blancos po ndjekin nga afër mesfushorin sulmues 25-vjeçar. /Telegrafi/