Ardhja e Ferland Mendy në Estadio Santiago Bernabeu i ka plotësuar shpenzimet e Real Madridit për këtë verën në 300 milionë euro.
Francezi vjen nga Lyon për 48 milionë euro, plus 5 milionë euro bonuse.
Me blerjen e Mnedy, shpenzimet e Los Blancos gjatë kësaj vere i kanë kaluar ato të vitit 2009, kur mbretërit shpenzonin 254 milionë euro, me emra si Karim Benzema, Kaka, Xabi Alonso dhe Cristiano Ronaldo.
Pesë lojtarë kanë ardhur këtë verë për të kontribuar në këtë total.
Nënshkrimi i Rodrygo ka qenë i njohur për disa kohë për 45 milion euro, si dhe 50 milion euro për Eder Militaon.
Pastaj vjen me 60 milionë euro sulmuesi Luka Jovic dhe 100 milionë euro për Eden Hazard. I fundit Mendy me 48 milionë euro.
Vera do të jetë e gjatë dhe disa lojtarët duhet të largohen, pasi janë planifikuar edhe shumë nënshkrime tjera.
Paul Pogba mbetet ëndrra me 150 milionë euro, edhe pse Real Madridi do të bëjë gjithçka që mundet për t’i ulur shpenzimet për të.
Gareth Bale mund të përdoret si ulje çmimi, po ashtu edhe James Rodriguez.
Klubi e di se mund të shpenzojnë vetëm 100 milion euro më shumë se sa marrin nga shitjet këtë verë, dhe aktualisht i duhen 200 milionë euro nga shitjet. /Telegrafi/