Real Madridi thuhet se është futur në garë për transferimin e Pierre-Emerick Aubameyang nga Arsenali.
Sulmuesi gabonez ka refuzuar të rinovojë kontratën aktuale, derisa i kanë mbetur edhe 12 muaj.
France Fotball raporton se Zinedine Zidane nuk ka besim më në Karim Benzeman dhe dëshiron ta shesë atë në verë.
Los Blancos janë të interesuar për transferimin e Aubameyangut, por vetëm nëse dështojnë të transferojnë Erling Haalandin apo Mauro Icardin.
Për gabonezin në garë është edhe Interi e Barcelona, derisa mund të ndodhë edhe shkëmbimi mes tyre për Lautaro Martinezin e Antoine Griezmannin.
Nëse madrilenët nuk arrijnë të sigurojnë shërbimet e anëtarit të Borussia Dortmundit ose të atij të Nerazzurëve, atëherë do të tentojnë për Aubameyangun. /Telegrafi/