Real Madridi me shumë mundësi nuk do të bëjë ndonjë transferim të madh këtë verë, diçka që ka bërë të fokusohen tek viti i ardhshëm.
Mund të ketë disa emra të mëdhenj të futbollit që do të transferohen në ‘Santiago Bernabeu’ para fillimit të sezonit 2025/2026 dhe një fushë që duhet të adresohet është ajo e mbrojtësit të djathtë.
Dani Carvajal (32) dhe Lucas Vazquez (33) nuk do të bëhen më të rinj dhe do të duhet që në një të ardhme të afërt të zëvendësohem.
Momentalisht nuk ka asnjë lojtar që do të ishte zëvendësuesi i tyre afatgjatë, kështu që një ose dy blerje janë të domosdoshme.
Real Madridi tashmë ka biseduar me agjentin e Trent Alexander-Arnold, pasi e konsiderojnë atë si një kandidat të fortë për krahun e djathtë në të ardhmen.
Një tjetër lojtar që Real Madridi duket se po e monitoron nga afër është Diogo Dalot i Manchester United. Siç raporton GiveMeSport, një lëvizje për yllin e Manchester United mund të konsiderohet për verën e ardhshme.
Dalot pati paraqitje fantastike në ‘Old Trafford’ sezonin që lamë pas dhe do të jetë 26-vjeçar vitin e ardhshëm diçka që e bën një opsion të pëlqyeshëm për gjigantin spanjoll./Telegrafi/