Real Madrid mendon se është një mundësi reale që Kylian Mbappe t’u bashkohet para përfundimit të afatit kalimtar të verës, raporton AS.
Ekziston një besim i brendshëm se marrëveshja do të bëhet para shtatorit pasi PSG thuhet se është gati ta shesë atë.
Megjithatë, një lojtar që nuk ka rrezik të humbasë pozicionin e tij në formacionin fillestar nëse Mbappe arrin është Vinicius Junior.
Sulmuesi brazilian konsiderohet si i “paprekshëm” dhe roli i tij nuk do të jetë i rrezikuar pas ardhjes së mundshme të francezit.
Kjo edhe pse pozicionet e natyrshme të dy sulmuesve janë të dy në krahun e majtë, pasi në atë rol prodhojnë paraqitjet e tyre më të mira.
Mbappe mund të duhet të ndryshojë stilin e tij për të luajtur më shumë si qendërsulmues për Madridin dhe për të vepruar si zëvendësues i Karim Benzemas.
Vinicius fitoi çmimin e lojtarit të sezonit të Real Madridit në sezonin 2022/23 dhe mbetet një pjesë jetike e skuadrës së Carlo Ancelottit. /Telegrafi/