Sulmuesi i Bayern Munichut, Robert Lewandowski, është gati të bashkohet me Real Madrid këtë verë, pasi thuhet se edhe një marrëveshje mes palëve është arritur.
Lewndowski është një dëshirë e kamotshme e Real Madridit dhe presidentin të tyre Florentino Perez.
Megjithatë, tani thuhet se ka ardhur edhe marrëveshje për transferimin e polakut në Santiago Bernabeu.
Sipas gazetës spanjolle El Mundo Deportivo, Mbretërit kanë rënë dakord për një marrëveshje me sulmuesin polak.
Lewandowski ka ndërruar agjent duke e vendosur tani super-agjentin Pini Zahavi si përfaqësuesin e tij të ri në fillim të këtij viti.
Dhe është pikërisht agjenti ai që besohet të ketë arritur marrëveshjet për kushtet personale me skuadrën spanjolle për një lëvizje pas Kupës së Botës.
Raporti i këtij mediumit thotë se gjithçka që duhet lënë tani është që Bayern të pranojë largimin e tij dhe të bjerë dakord me një çmim transferimi.
Çmimi i këtij operacioni nuk besohet të jetë më i vogël se 100 milionë euro. /Telegrafi/