Ka filluar furishëm ndeshja kryesore e kampionatit spanjoll mes Real Madridit dhe Barcelonës.
Dy skuadrat më të fuqishme spanjolle kanë zhvilluar një ndeshje tejet të mirë në pjesën e parë por që kanë munguar golat.
Rastet më të mira për Barcelonën i kishte mesfushori brazilian Paulinho, kur në dy raste golat ia mohoi portieri vendas Navas.
Ndërkohë Karim Benzema kishte rastin kryesor për ‘Los Blancos’, por goditja e tij u ndalua nga shtylla.
Posedimin e topit e kanë pasur vendasit me 51% ndaj 49% të Barcelonës.
Tentimet në sulm ishin nëntë me katër në të mirë të madrilenëve, ndërsa goditjet në portë ishin të barabarta dy me dy.
Vetëm një karton i verdhë u pa në këtë 45 minutësh të parë dhe atë për belgun Thomas Vermaelen që ndaloi Luka Modricin. /Telegrafi/