Ajaxi do të jetë mysafir i Real Madridit në ndeshjen e kthimit të 1/8 e finales së Ligës së Kampionëve.
Los Blancos kanë epërsinë 2-1 nga ndeshja e parë, një rezultat që i jep përparësi, por jo edhe siguri në Santiago Bernabeu.
Holandezët ishin mjaft të mirë në ndeshjen e parë, arritën të bëjnë një lojë të bukur dhe me shumë raste shënimi, tani që nuk kanë asgjë për të humbur pritet të sulmojnë me gjithë forcat për të fundit herë.
😀 All smiles for Real Madrid & Ajax before Tuesday's decider.#UCL pic.twitter.com/rc73WYgqsW
— UEFA Champions League (@ChampionsLeague) March 4, 2019
Reali vjen nga humbja 0-1 nga Barcelona në La Liga dhe ajo eliminuese 0-3 në Camp Nou në kuadër të Kupës së Mbretit, ndërsa në anën tjetër Ajaxi vjen nga një formë e mirë prej tre fitoresh radhazi.
Në total dy skuadrat janë takuar 13 herë gjatë historisë, 13 fitore për Los Blancos, një barazim dhe katër fitore për holandezët.
Për skuadrën e Santiago Solarit do të mungojë kapiteni Sergio Ramos për shkak të kartonëve, ndërsa më poshtë keni formacionet e mundshme:
Real Madrid (4-3-3): Courtois; Reguilon, Varane, Nacho, Carvajal; Casemiro, Kroos, Modric; Vazquez, Benzema, Vinicius.
Ajax (4-3-3): Onana; Tagliafico, Blind, De Ligt, Mazraoui; De Jong, Van de Beek, Schone; Neres, Tadic, Ziyech. /Telegrafi/
