Ish-zëvendëskryeministri i Kosovës, Haki Abazi i LVV, ka reaguar ndaj vendimit të qeverisë Hoti, për heqjen e të gjitha pengesave me Serbinë.
Abazi në një postim të tij në rrjetin social Facebook, ka shkruar se Qeveria Hoti po e lufton ‘pandeminë’, duke hequr reciprocitetin ndaj Serbisë.
Sipas tij, ndarja e vendit është misioni i këtij grupi ilegal antikushtetues.
“Qeveria ilegale antikushtetuese e Thaçit. Po e ‘luftojnë’ pandeminë duke e hequr reciprocitetin ndaj Serbisë. Të njejtit kanë aprovuar asociacionin antikushtetues, kanë festuar me shampanjë ‘liberalizimin e vizave’, kanë nënshkruar demarkacionin… kanë vjedhur shtetin, kanë paguar për ndarjen, dhe e kanë lënë vendin në baltën e turpit. Ndarja e vendit është misioni i këtij grupi ilegal antikushtetues”, ka shkruar Abazi, në Facebook. /Telegrafi/
