Deputetët e Aleancës për Ardhmërinë e Kosovës kanë reaguar sot pas vendimit të Qeverisë Kurti që të që ta largojë shtesën prej 30 euro që i ishte dhënë pensionistëve për tre muaj, ndërsa pensionin bazë ta rrisë për 10 euro.
Sot deputetja e AAK-së, Time Kadrijaj ka publikuar një fotografi të kryeministrit Albin Kurti me një të moshuar, me mbishkrimin “Axhë ti heka 20 euro se 10 te dalin boll”.
Të njëjtin postim e ka shpërndarë ish deputeti i kësaj partie, Daut Haradinaj.
Lidhur me këtë ka reaguar mbrëmë edhe kryetari i AAK-së, Ramush Haradinaj.
Haradinaj ka thënë se është jonjerëzore të hiqen 20 euro nga shtesat e pensionistëve. /Telegrafi/
