Balerini i njohur i TV Klan, Graciano Tagani, gjithashtu ish-pjesëmarrës në Big Brother, ka rrëfyer në një intervistë për VIP Room në In Tv marrëdhënien e tij me VIP-at, duke folur edhe për shifra financiare.
Kështu ai ka pohuar se ndër artistet që paguajnë më mirë për koreografitë e realizuara në videoklipe janë: Nora Istrefi, Enca Haxhia, Zaimina Vasjari e të tjera.
Kësaj të fundit madje i ka punuar edhe një rreng duke e telefonuar gjatë kohës që regjistrohej programi për t’i kërkuar 4.000 euro borxh, transmeton revista Who.
Mirëpo, këngëtarja Zaimina nuk ka rënë pre e lojës. Ajo e ka kuptuar që në fillim që bëhej fjalë për një shaka dhe nuk e ka marrë për asnjë moment seriozisht Gracianon. Për më shumë, shihni videon e mëposhtme.
