Përdoruesit e rrjeteve sociale kanë shpërthyer serish kundrejt presidentit të SHBA-ve, Donald Trump, për shkak të një reagimi të Melania Trump, kur çifti ishte para publikut.
Zonja e Parë e ka shoqëruar burrin e saj gjatë fundjavës në Florida, ku ka mbajtur edhe një fjalim.
Ish-modelja e prezantoi Trumpin para publikut, mirëpo kamerat e kanë kapur reagimin e çuditshëm të saj kur presidenti i është afruar pranë.
Reagimi i 46-vjeçares ka nxitur komentime të shumta në rrjetet sociale, disa prej të cilëve mendojnë se Melania nuk po qëndron e martuar me Trump me dëshirën e saj.
Lidhja e çiftit të parë amerikan është përfolur që nga dita e parë e zgjedhjes së Donaldit për postin në Shtëpinë e Bardhë.
Është thënë se Melania nuk është aspak e lumtur me jetën e saj. Raportohet se ajo po lufton me realitetin e ri të krijuar pas triumfit të burrit të saj si president i SHBA-ve dhe nuk është e gatshme të marrë përgjegjësinë si Zonja e Parë.
Ajo konsideron se ëndrra e saj për një brend të modës është dëmtuar rëndë, po ashtu e ka të vështirë të përballet me përplasjet publike. /Telegrafi/
