Tashmë kishim menduar se grindjet në mes Taylor Swift dhe Justin Bieber kanë mbaruar pas kërkim faljes së këtij të fundit, por duket se gjërat po vazhdojnë si më parë.
Të dielën, në një Instagram ‘live’, Bieber e përqeshi reagimin e Taylorit, kur ajo doli nga operacioni.
Në Instagramin ‘live’ të filmuar në kuzhinë nga bashkëshortja e tij, Hailey Bieber, 25-vjeçari u shfaq duke imituar ngjarjen e fundit të Taylorit, pasi ai bërtiti, “nuk është banania që kam dashur”. Teksa Hailey qeshi, “kjo ishte aq qesharake”, ai vazhdoi, “nuk është banana e duhur, nuk ka kokë”.
Ndërkaq, historia qesharake e Taylorit u zbulua në emisionin e mbrëmshëm në “The Tonight Show Starring” me Jimmy Fallon. Në një klip pas operacionit të realizuar nga nëna e saj Andrea Swift, biondja shfaqet nën ndikimin e qetësuesve dhe e shtrirë në shtrat me një banane.
Videoja në fjalë për një kohë të shkurtër u bë virale, ku përkundër se interpretimi i Justin ishte i shkurtër, fansat e Taylor Swift mendojnë se ishte një ofendim ndaj saj.
📹 | Justin Bieber mocks Taylor’s Jimmy Fallon interview clip of Taylor after Lasik Surgery via Instagram Live pic.twitter.com/oPPAsMvQk1
— Taylor Swift Updates (Backup) (@TSUpdatesNYBU2) October 7, 2019
Pasi kjo video filloi të qarkullojë në internet, Hailey i doli në mbrojtje burrit të saj, duke shkurar në Twitter: “Asnjëherë nuk e dija se mund ta bëja dikë kaq të mërzitur..”.
“Me të vërtetë më vjen shumë keq për faktin se jeni i mërzitur? Zoti mëshiroftë, shpresoj se nuk do të jam kurrë e mërzitur për dikë që nuk e njoh”. /Telegrafi/
