Emma Stone ka zbuluar së fundmi se do të donte ta thërrisnin me emrin e saj të vërtetë, Emily Jean Stone, dhe një gazetare bëri pikërisht këtë gjatë një konference për shtyp në Kanë.
Në konferencën për shtyp për filmin “Kinds of Kindness”, gazetarja iu drejtua me emrin e saj të vërtetë dhe ajo tha: “Unë quhem Emily, faleminderit”.
“Shumë bukur”, shtoi ajo me një buzëqeshje të madhe në fytyrë dhe një video e reagimit të saj filloi të shpërndahej në rrjetet sociale.
“Buzëqeshja e saj i thotë të gjitha”, “E adhuroj” dhe “Nëse e takoj ndonjëherë, do ta quaj Emily”, janë vetëm disa nga komentet e fansave.
Festivali i Filmit në Kanë ka nisur disa ditë më parë, gjegjësisht më 14 maj.
Edicioni i 77-të do të përmbyllet më 25 maj.
Edhe këtë vit janë prezantuar disa nga filmat më të mëdhenj të kinematografisë. /Telegrafi/