Këngëtarja dhe aktorja, Rozana Radi, ka bërë një reagim në rrjetet sociale ndaj njerëzve që nuk i respektojnë masat për parandalimin e infeksionit me COVID-19.
Autoritetet në shumë vende të botës, duke përfshirë Shqipërinë dhe Kosovën, kanë kërkuar respektimin e distancimit social, mbajtjes së maskave, si dhe rregullave tjerë për t’iu shmangur infeksionit eventual apo përhapjes së tij.
Dhe derisa një numër i madh prej tyre refuzojnë t’i respektojnë këto masa, Rozana ka bërë një postim në InstaStory duke treguar se ka miq që janë infektuar me coronavirus, disa prej të cilëve janë të shtrirë në spital dhe kanë pasur nevojë për ndihmë mjekësore.
“Për mua çdo individ, i cili nuk mban maskë, nuk mban distancim social, është një injorant dhe kjo pandemi më bëri të kuptoj që Shqipërinë e shkatërruan shqiptarët”.
“S’më plas fare për politikë as s’dua t’ia di… Kam miq të shtruar në spital, të cilët janë mosha ime dhe janë keq”.
“Ndaj ju lutem nëse keni ndërmend të merrni në qafë ata që i respektojnë këto rregulla, lidhni një gur në qafë vet dhe mbysni veten tuaj”, shkruan në postimin e Rozanës. /Telegrafi/