Anel Rashkaj ka folur në konferencën për shtyp pas stërvitjes së sotme (e hënë) të Përfaqësueses së Kosovës.
Përfaqësuesja e Kosovës po zhvillon përgatitjet për dy ndeshjet kualifikuese për Euro 2020, kundër Malit të Zi më 7 qershor dhe Bullgarisë me të 10-tin.
Për këto dy ndeshje ka folur ish-kapiteni i Kosovës, Rashkaj, i cili ka thënë se është i kënaqur me rikthimin, ndërsa është optimistë për rezultate pozitive.
“Për mua është kënaqësi që jam sërish pjesë e Përfaqësueses”, ka thënë fillimisht Rashkaj në konferencën pas stërvitjes.
“Tani në grup janë shumë lojtarë që më parë nuk kanë qenë, por mendoj se kualiteti tani është shumë më i lartë”.
“Shumicën e tyre i njoh, pasi i kam ndjekur të gjitha ndeshjet dhe më kanë pritur shumë mirë”.
“Ekipi është në një seri të mirë. Kundër Bullgarisë munguan vetëm tre pikët sepse loja ishte shumë e mirë”.
“Nëse i marrim parasysh ndeshjet e deritashme duhet të jemi optimistë”, përfundoi ish-kapiteni i Kosovës. /Telegrafi/