Banka Botërore ka dalë me një raport lidhur me jetëgjatësinë e popullsisë në botë, ndërsa nga të dhënat për Ballkanin Perëndimor, Kosova qëndron më së miri.
Sipas të dhënave të grumbulluara nga Banka Botërore e që i referohen zyrave kombëtare të statistikave jetëgjatësia mesatare e pritur në Kosovë është 80 vjet.
Duke i krahasuar të dhënat e Kosovës me vendet tjera të rajonit, jemi më mirë me jetëgjatësi me rreth 4-5 vite se shtetet tjera të Ballkanit Perëndimor.
Në raportin “Perspektivat e Popullsisë Botërore: Rishikimi 2022”, Kosova prin me jetëgjatësinë mesatare të pritur që është 80 vjet.
Pas Kosovës, vjen Shqipëria me 77 vjet, Mali i Zi me 76, Bosnja dhe Hercegovina me 75, Serbia 75 dhe Maqedonia e Veriut me 74 vjet.
Raporti përfshin edhe të dhëna tjera. /Telegrafi/
