Raphinha ndihet mirë për debutimin e tij si lojtar i Barcelonës, ndërsa ka dhënë fjalë të mëdha pas ndeshjes së parë miqesore ndaj Inter Miamit të fituar me rezultat 6-0.
Braziliani shënoi një gol dhe pati dy asistime në ndeshjen e tyre të parë para-sezonale në Shtetet e Bashkuara të Amerikës, kundër Inter Miami CF.
Në vazhdim janë rivalët e ashpër të Real Madridiit, në një ndeshje që do të luhet të shtunën e ardhshme, më 23 korrik në Las Vegas.
Raphinha ka besim në shanset e skuadrës së tij këtë vit në La Liga duke menduar se janë më të mirë se Los Blancos.
“Shumë i lumtur që shënova golin e parë. Ishte një lojë e mirë. Jam munduar të bëj një lojë të mirë. Jam shumë i lumtur dhe shpresoj të vazhdoj”, ka thënë fillimisht Raphinha për mediat.
Booooooom Raphinha! pic.twitter.com/p3wTDekhJ6
— FC Barcelona (@FCBarcelona) July 20, 2022
Kur foli për ndeshjen e tyre të radhës, braziliani tha disa fjalë përfundimtare për ekipin e tij dhe rivalët e tij, duke shpresuar që të vazhdojë serinë e golave.
“Gjithmonë mundohet të shënojë kundër kujtdo, por nëse është në një derbi, edhe më shumë. Gjëja më e rëndësishme është fitorja. Por, për mua ne jemi më të mirë se Real Madridi ”.
“Barcelona ka disa lojtarë të rinj të talentuar. Ata po bëjnë një punë të shkëlqyer me ta. Ata janë gjithmonë duke luftuar për kampionat”, përfundoi braziliani. /Telegrafi/