Ralf Rangnick do të kërkojë t‘i jap dorën e tij skuadrës aktuale të Manchester United, pasi ai kërkon të sjellë lojtarë në afatin kalimtar të janarit.
Raportohet se afër 90 milionë euro i ka në dispozicion trajneri, por me kusht që do t’i shesë lojtarët e tepërt të cilët nuk i duhen më.
“Djajtë e Kuq” do të duhet të marrin pikë në këto ndeshjet e fundit në qoftë se duan ta kenë një vend në Ligën e Kampionëve, pasi siç po duket Manchester City, Liverpool dhe Chelsea do të jenë në tre pozitat e para.
Që nga ardhja e Rangnick si trajner i përkohshëm i Man United më 29 nëntor 2021, ata janë të pamposhtur në katër ndeshjet e tyre, por disa ndeshje u janë shtyrë për shkak të shpërthimeve të COVID-19.
Me mendje te largimet
Do të ketë disa lojtarë që janë aktualisht në “Old Trafford” që mund të mos konsiderohen aq të mirë sa duhet për skuadrën e re të Manchester United që udhëhiqet nga Rangnick.
Nga këta lojtarë aktualë, duket se trajneri gjerman tashmë ka vendosur se kush do të largohet, pavarësisht se ka vetëm më pak se një muaj.
Por kush ka më shumë gjasa të largohet nga United në janar?
Lingard dhe Marcial, dy të parët
Jesse Lingard iu dha një rast tjetër në klub pas formës së tij të mirë që e gjeti sa ishte i huazuar në West Ham United në sezonin 2020/21.
Megjithatë, Lingard, kontrata e të cilit skadon verën e ardhshme, nuk ka qenë në gjendje të tregojë vetën dhe mund të kalojë te West Ham, klub që e dëshiron me një kontratë të përhershme.
Një tjetër sulmues që është përfolur se do të largohet nga Manchester United është Anthony Martial.
Francezi ka qenë i lidhur me Newcastle United dhe Barcelonën, por ai duket se i ka vënë sytë te Sevilla në La Liga.
Vendime të vështira për Rangnick
Lingard dhe Martial janë dy shitjet më të dukshme që Rangnick mund të vendosë të bëjë, megjithatë ka shumë pikëpyetje se kush duhet të largohet në janar.
Duket se David de Gea është numri 1 i tij i preferuar, që do të thotë se Dean Henderson mund të dëshirojë të largohet që të luajë rregullisht, diçka që mund të gjenerojë rreth 22 milionë euro.
Një tjetër është Paul Pogba i cili do të ketë nevojë për një vendim këtë janar. Pasi francezi është në vitin e fundit të kontratës së tij, që do të thotë se ai mund të pranojë të bashkohet me një klub të ri në verën e ardhshme.
Manchester United do të shpresojë që ai të largohet në janar me një marrëveshje të përhershme në mënyrë që ta marrin para nga shitja e tij. /Telegrafi/