Kapiteni i Real Madridit, Sergio Ramos e ka pranuar se nuk do ta kishte lejuar Cristiano Ronaldon të largohej nga Santiago Bernabeu në 2018.
Ylli portugez u bashkua me Juventusin në një lëvizje 120 milionë euro në 2018 dhe ai tani është i lidhur me një kthim në Santiago Bernabeu.
“Cris humbi dhe Madrid humbi kur ai u largua. Unë nuk do ta lejoja të largohej sepse ai është një nga më të mirët dhe ai do të na kishte sjellë më afër fitimit të trofeve të mëdhenj”, ka thënë fillimisht Ramos.
“Këto janë marrëdhënie që duhet të jenë për jetën, duhet të jetë një bashkim i ekipit. Ai është një lojtar vendimtar që na ndihmoi të fitojmë”.
Tutje, mbrojtësi spanjoll ka folur edhe për dy talentet e mëdhenj, Kylian Mbappe dhe Erling Haaland, të cilët janë lidhur me një kalim te Reali.
“Do të doja të vinin të dy, por nëse do të vinte njëri prej tyre, do të ishte më e lehtë të nënshkruaja Haalandin”.
“Me Mbappen rrethanat ekonomike janë më të vështira. Haaland nuk do të ishte keq për shkak të urisë së tij për gola, madhështisë dhe shpejtësisë së tij”.
“Do të ishte më e lehtë të arrihej një marrëveshje për Haaland”, përfundoi kapiteni i Los Blancos. /Telegrafi/