Zëvendësministri i Forcës së Sigurisë së Kosovës, Burim Ramadani ka folur rreth sigurisë në vend dhe transformimit të Forcës së Sigurisë së Kosovës në Ushtri.
Ramadani tha se së shpejti Kosova do ta këtë Ushtrinë duke mos përmendur datë, muaj apo vit konkret se kur do të ndodhë kjo.
Më tej Ramadani heksoi se tashmë jemi në një fazë që disa institucione në vend kanë arritur kompletimin e tyre dhe si të tilla disa prej tyre presin të dalin në një fazë tjetër ku me theks të veçantë u ndal të FSK, shkruan rtv21.tv
“FSK ka përmbushur kapacitet operacionale që 2-3 vjet dhe se tani presin të kalojnë në fazën tjetër”, tha Ramadani.
Po ashtu zëvendësministri tha se Kosova ka ngecje në anëtarësimin në iniciativat rajonale dhe organizatat ndërkombëtare. /21Media/
