Kryetari i Prishtinës, Përparim Rama ka shkruar se sot është një ditë e rëndësishme për të ardhmen e kryeqytetit.
Ai ka shtuar se gjatë ditës do të prezantojnë një sërë projektesh për Prishtinën para qindra bizneseve.
“Sot është një ditë jashtëzakonisht e rëndësishme për të ardhmen e qytetit tonë, sepse gjatë gjithë ditës do të prezantojmë një sërë projektesh për Prishtinën para qindra liderëve të biznesit nga vende të ndryshme të botës”, ka shkruar Rama.
Ai ka theksuar se këto projekte synojnë të ndryshojnë fytyrën e qytetit tonë, duke e bërë atë më të gjallë, më të qëndrueshëm dhe më të përshtatshëm për të gjithë. /Telegrafi/
