Trajneri i RB Leipzigut, Ralf Rangnick është shfaqur si një kandidat për të pasuar Maurizio Sarrin te Chelsea.
Italiani pritet të shkojë te Juventusi, pavarësisht se The Blues dëshirojnë të mos e shkëpusin marrëveshjen me kompensim.
Gazeta gjermane, BILD shkruan sot se në mesin e atyre që konsiderohen të zëvendësojnë trajnerin nga Italia – përfshijnë menaxherin e Derby Countyt, Frank Lampard – gjithashtu edhe gjermanin, Rangnick.
Shtimi i spekulimeve ishte njoftimi i javës së kaluar nga RBL se Rangnick do të heqë dorë nga roli i tij i dyfishtë – si trajner dhe drejtor sportiv.
“Unë nuk mund dhe nuk dua të përjashtoj që do të jem trajner përsëri në një moment. Unë ende ndihem shumë i ri dhe shumë i aftë për këtë”, tha ai.
Ndryshe, Chelsea ka përfunduar sezonin në vendin e tretë në Ligën Premier si dhe ka fituar Ligën e Evropës. /Telegrafi/