Arrestimi i serbëve në Kosovë mbi parimin e “dy dëshmitarëve” dhe pa dëshmi duhet të ndalet.
Kështu ka deklaruar kryetari i Listës Serbe, njëherësh kreu i Mitrovicës veriore, Goran Rakiq, duke paralajmëruar se këto arrestime po frikësojnë serbët që të kthehen në Kosovë.
“Përvoja na tregon se si rregull, serbët të cilët janë të shquar dhe që duan të kthehen në vatrat e tyre, si Bozhidar Mitroviq, janë arrestuar”, tha Rakiq për numrin e sotëm të gazetës “Novosti”, transmeton Klan Kosova.