Rahoveci ka regjistruar fitoren e gjashtë në kuadër të Superligës së Kosovës në basketboll.
Me rezultat 91-84, kjo skuadër ka triumfuar përballë rivalit Golden Eagle Ylli.
Ekipi që kishte epitetin e nikoqirit e nisi fuqishëm sfidën ne çerekun e parë (28:16), por nuk luajti mirë në dhjetëminutëshin e dytë (15:24).
Sidoqoftë, në gjysmën e dytë, Rahoveci ia doli që të fitonte lehtësisht, për të fituar me shtatë pikë diferencë.
Në çerekun e tretë shënoi dy pikë më shumë se Ylli (23:21), kurse po aq më shumë realizoi edhe në të katërtin (25:23).
Rahoveci tash është në vend të tretë në tabelë me dy pikë më pak se lideri Prishtina.
Nga tetë ndeshjet e zhvilluara, kjo skuadër i ka fituar gjashtë ndeshje dhe i ka humbur dy takime. /Telegrafi/