Me një rikthim fantastik, Rahoveci ka fituar ndaj Trepçës (87-69) për ta vulosur pozitën e tretë në tabelën e Superligës së Kosovës në basketboll.
Minatorët i shënuan dy pikë më shumë se Vreshtarët në çerekun e parë të lojës (23:25), ndërsa tri pikë më shumë i realizuan në dhjetëminutëshin e dytë (22:25).
Mirëpo, pas pushimit, Rahoveci u kthye fuqishëm për të shënuar pesë pikë më shumë se kundërshtari në çerekun e tretë (21:16).
Ndërkaq, shumë më bindëse ishte paraqitja e Vreshtarëve në çerekun e fundit (20:13) duke arritur që ta fitonin ndeshjen.
Pasi bëri historinë duke siguruar ‘Play Offin’ e parë, Rahovicë tashmë e ka siguruar edhe pozitën e tretë në tabelë dhe në gjysmëfinale do të luajë kundër Bashkimit.
Në ndeshjen tjetër, Peja ka befasuar duke e mposhtur Golden Eagle Yllin me rezultat 93-88 dhe shpreson që të mbijetojë në Superligë pa pasur nevojë të hyjë në ‘Play-Out’ në xhiron e fundit, pasi ka pikë të barabarta me Borean.
Ndërsa kjo humbje i ka kushtuar Yllit duke qenë se ka mbetur ne vend të katërt në tabelë dhe në ‘Play Off’ do ta ketë kundërshtar Sigal Prishtinën. /Telegrafi/