KB Rahoveci ka ironizuar me FBK-në me anë të një postimi në faqen zyrtare të klubit.
Klubi vreshtar shënoi fitoren më të madhe të këtij edicioni duke siguruar përparësinë e përballjeve direkte me Yllin që mund të lehtësojë plasmanin në playoff nga vendi i tretë në fund të sezonit.
Edhe pse pa palestër, rreth 1500 tifozë të Rahovecit festuan në Gjakovë për triumfin e madh, triumf i cili nuk kaloi pa u dënuar.
FBK dënoi klubin Vreshtar me 300 euro për festën pas përfundimit të ndeshjes, një vendim ky që nuk është pritur mirë në qytetin e verës dhe të rrushit që tash po frymon basketbollin.
Në një postim në faqen zyrtare të klubit, ironizohe vendimi i FBK-së për të dënuar me vetëm 500 euro KB Yllin për banerin racist të tifozëve “Rahovec = Made in Bugaria”, teksa festa e tifozëve u dënua me 300 euro.
Nuk është hera e parë që klubi Vreshtar ka përplasje publike me FBK-në, pasi ky klub ka shprehur paknaqësi në federatë edhe për referimin duke akuzuar institucionin më të lartë të basketbollit për trajtim të pabarabartë dhe për mungesë të përkrahjes për shkak të mungesës së palestrës.
Rahoveci po e kërkon plasimin në playoff për herë të parë në histori, pas një sërë paraqitjesh të suksesshme këtë sezon në IP Superligën e Kosovës në basketboll. /Telegrafi/