Futbollisti meksikan, Rafael Marquez, është në mesin e 22 njerëzve të ndëshkuar për lidhjet e dyshuara me trafikimin e drogës.
Departamenti amerikan i Thesarit përmes një komunikate ka bërë të ditur se do të sanksionojë edhe 43 entitete në Meksikë, duke përfshirë një klub futbolli dhe një kazino.
Ndëshkimet janë si rezultat i një hetimi disavjeçar të një organizate të trafikimit të drogës që besohet se është kryesuar nga Raul Flores Hernandez.
Marquez, është një ish-futbollist i Monacos, Barcelonës dhe New York Red Bulls, i cili aktualisht luan për Atlas në Guadalajara, ndërsa është edhe kapiten i Meksikës.
Futbollisti dhe këngëtari Julio Cesar Alvarez (i njohur si Julion Alvarez) thuhet të kenë pasur lidhje afatgjate me Flores Hernandez dhe kanë bashkëpunuar me të në trafikimin e drogës.
Ndëshkimet kanë të bëjnë me “ngrirjen” e të gjitha pasurive në SHBA dhe u ndalohet shtetasve amerikanë që të bëjnë biznes me ta. /Telegrafi/