Aktivistja e re amerikane Rachel Corrie, me një gjest të bërë në vitin 2003 i kushtoi me jetë, megjithatë u bë simbol i guximit dhe i përkushtimit në luftën për të drejtat e njeriut dhe drejtësi.
Emri i saj u bë i njohur në mbarë botën pas incidentit tragjik që ndodhi në vitin 2003 në Rripin e Gazës, kur Rachel vdiq duke mbrojtur civilët palestinezë nga prishja e shtëpive të tyre, transmeton Telegrafi.
Rachel Corrie ka lindur më 10 prill 1979 në shtetin e Uashingtonit, SHBA. Pasioni i saj për drejtësinë dhe aktivizmin u zhvillua me kalimin e viteve, dhe ishte veçanërisht i dukshëm gjatë ditëve të saj studentore në Universitetin Evergreen.
Vendimi i saj për t’iu bashkuar Lëvizjes Ndërkombëtare të Solidaritetit të Palestinës (ISM) pasqyroi angazhimin e saj të thellë për zgjidhjen paqësore të konflikteve dhe mbrojtjen e të drejtave të njeriut.
Incidenti që përcaktoi fatin e Rachel Corrie ndodhi më 16 mars 2003, kur ajo qëndroi përballë një buldozeri të ushtrisë izraelite që po planifikonte të prishte një shtëpi palestineze në Rafah, në Rripin e Gazës.
Edhe pse dëshmitarët pohuan se Rasheli dukej qartë dhe kishte veshur një jelek fluoreshent, buldozeri vazhdoi të punonte, duke injoruar praninë e aktivistes së re.
Në mënyrë tragjike, Rasheli humbi jetën kur një buldozer e shtypi atë, duke e lënë botën pa një zë tjetër guximi dhe lufte për drejtësi. Sipas deklaratave të dëshmitarëve, fjalët e saj të fundit ishin: “Mendoj se më është thyer shpina”.
Pas vdekjes së saj, Rachel Corrie u bë një ikonë e luftës për të drejtat palestineze dhe një simbol i aktivizmit. Emri i saj përmendet shpesh në kontekstin e luftës kundër okupimit dhe shkeljeve të të drejtave të njeriut në Lindjen e Mesme. Njerëz dhe organizata të shumta në mbarë botën e njohin kontributin dhe guximin e saj.
Familja, miqtë dhe bashkëluftëtarët e Rachel vazhdojnë trashëgiminë e saj, duke rritur ndërgjegjësimin për situatën në Lindjen e Mesme dhe duke kontribuar në luftën për drejtësi. /Telegrafi/
🇺🇸🇵🇸 Rachel Corrie
Over 20 years ago, an Israeli bulldozer crushed Rachel Corrie to death.
Rachel Corrie was a 23-year-old American woman who spent her time advocating for the rights of Palestinians.
On March 16th 2003, Rachel stood in front of a Palestinian home in Rafah,… pic.twitter.com/CC79EUDYuj
— Censored Men (@CensoredMen) November 10, 2023