Arjan Sijarina, i njohur me emrin artistik si R-jan, ka qenë artisti i fundit i ftuar në emisionin “Gjoni Black” me Meriton Mjekiqin.
Siç tashmë njihet formati i emisionit, edhe R-jan në këtë ka bërë ‘freestyle’ e po ashtu i ka bërë edhe një ‘diss’ reperit Stresi.
Megjithëse dyshja dikur ishin miq të mirë dhe paralajmëruan një bashkëpunim së bashku, sot duket se nuk kanë raporte edhe aq të mira.
E menjëherës pas ‘diss-it’ që i është bërë nga Stresi, ky i fundit ka bërë një postim kundrejt tij në rrjete sociale.
“Kam nevojë për syze takova në jetë veç njerëz me dy fytyra. E vërteta e ka rrugën e gjatë se bota është me ngjyra. Ata që ulin poshtë shoqërinë kanë ulur veten. Menduat që më njihni, do e shihni”, ka shkruar Stresi.
Përveç Stresit, reperi nga Prishtina në këtë emision i ka bërë një ‘diss’ edhe reperit Fero, që tashmë njihen si rivalë të njëri-tjetrit. /Telegrafi/