Natën e mbrëmshme një e re nga Ferizaj ka gjetur një portofol me një sasi të parave dhe e ka dorëzuar në polici.
Kështu është bërë e ditur përmes një komunikate për medie Policia në Ferizaj.
“Me datën 14.05.2021 rreth orës 22:20, një qytetare e Ferizajt (F/SH/K), A.K 21 vjeçe, punëtore në restaurantin ‘’Burger King‘’ tek qendra ‘’The Village – Shoping & Fun‘’ në Ferizaj, ka gjetur në këtë restaurant një portofol me para dhe dokumente të humbura. Portofoli i përkiste një (M/SH/K), B.S 23 vjeç”, thuhet në komunikatë.
Policia njofton se qytetarja menjëherë ka njoftuar policinë dhe portofolin e gjetur e ka dorëzuar në stacionin policor të Ferizajt.
“Pas procedurave të verifikimit të pronarit, në prani të policisë, pronarit i kthehen paratë dhe dokumentet, ( 179.53 euro, 50 denar MKD, 5 lira TR, , letërnjoftimi i RKS-së , patentë shoferi, indexi universitar dhe kartela e bankës). Me këtë rast, Drejtoria Rajonale e Policisë në Ferizaj, ka falënderuar qytetaren A.K, për gjestin human dhe shembullorë me rastin e dorëzimit të portofolit të gjetur në stacionin e policisë”, thuhet në komunikatë. /Telegrafi/