Qeveria e Kosovës ka ndarë sot 20 mijë euro për familjen e Kujtim Veselit nga Fushë Kosova, i cili ishte dhunuar dhe më pas vrarë.
Kryeministri i vendit, Albin Kurti tha se këto mjete ndahen për t’ia lehtësuar sadopak gjendjen e rëndë sociale të kësaj familje.
Ndryshe, më 11 korrik 2019 Kujtim Veseli ishte gjetur i vdekur në Fushë Kosovë.
Gjykata Themelore në Prishtinë ka shpallur aktgjykimin kundër të akuzuarit S.O. për veprat penale “Vrasje e rëndë” dhe “Dhunim”.
I akuzuari S.O është shpallur fajtor dhe është dënuar me burgim unik në kohëzgjatje prej 25 vjet për dhunimin dhe vrasjen e Kujtim Veselit. /Telegrafi/