Krerët e institucioneve të Republikës së Maqedonisë së Veriut shprehen se këtë vit vendi do të fillojë bisedimet me Bashkimin Evropian.
Sipas kryetarit, Stevo Pendarovski anulimi i integrimeve në BE do të thellojë hendekun në plan ndëretnik dhe do të përforcojë politikat e përçarjes, urrejtjes, konflikteve dhe paragjykimeve, njofton Telegrafi Maqedoni.
Edhe ministri i MPJ-së, Nikolla Dimitrov thotë se Maqedonia e Veriut është në mënyrë absolute e gatshme për fillim të bisedimeve me Bashkimit Evropian në tetor dhe se BE s’ka argumente kundër nisjes së procesit.
Ndërkaq kryetari i Francës, Emmanuel Macron është kundër zgjerimit të BE-së deri sa nuk reformohet Bashkimi Evropian.
Ai kritikoi mungesën e marrëveshjes në kuadër të BE-së për caktimin e funksioneve udhëheqëse në BE dhe pëesëri bëri thirrje për reforma në BE.
“Duhet t’i thjeshtëzojmë procedurat që të jemi më të shpejtë, më të fortë dhe bashkërisht ta përparjojmë. Jam skeptik në lidhje për tregimit se e ardhmja e BE-së është në zgjerimin e saj, në situatën kur e shohim se ne 28 vende nuk mund të merremi vesh. Refuzoj secilin zgjerim para se të ketë një reformë të thellë brenda BE-së”, deklaroi Macron./Telegrafi/